لاہور (سپورٹس رپورٹر)گورنمنٹ کالج یونیوسٹی لاہورمیں گذشتہ روز بچوں کے لئے جمناسٹک سمر کیمپ کا آغاز ہوگیا۔ وائس چانسلر پروفیسر ڈاکٹر محمد خلیق الرحمان نے سمر کیمپ کا آغاز کیا۔ پاکستان جمناسٹک ایسوسی ایشن کے چیئرمین خواجہ فاروق سعید، چیئرمین سپورٹس بورڈ ڈاکٹر اکرام الحق اور ڈائریکٹر سپورٹس خادم علی خان بھی موجود تھے۔ سمر کیمپ میں 100 سے زائد بچے شریک ہیں جن میں سے بیشتر کی عمر 6سال سے کم ہے۔