لاہور (سپورٹس رپورٹر) دورہ انگلےنڈ کی تےاری کے لئے جاری پاکستان ویمن کرکٹ ٹےم کا تربیتی کیمپ ختم ہوگیا۔ تربیتی کیمپ میں گذشتہ روز ویمن کھلاڑیوں نے انڈر 19 بوائز کے ساتھ پریکٹس میچ میں حصہ لیا۔ قومی ٹیم انگلینڈ کے خلاف سیریز 24جون سے 10جولائی تک کھیلے گی جس میں دو ون ڈے ،دو ٹی ٹونٹی میچ کھیل شامل ہیں۔ انگلینڈ کے خلاف سیریز کے بعد قومی ٹیم آئرلینڈ ویمن ٹیم کے خلاف ایک ون ڈے اور دو ٹی ٹونٹی میچوں کی سیریز کھیلے گی۔ اس سیریز کے بعد قومی خواتین ٹیم آئی سی سی ویمن ورلڈ ٹی ٹونٹی کوالیفائنگ ایونٹ میں شرکت کرے گی جو23تا 31 جولائی تک آئرلینڈ میں کھیلا جا رہا ہے۔ قومی ویمن ٹیم کی کھلاڑیوں میں کپتان ثناءمیر، نائب کپتان بسمعہ معروف، سید نین فاطمہ عابدی، ندا رشید، جویریہ ودود، وکٹ کیپر ربیعہ شاہ، اسماویہ اقبال، سمعیہ صدیق، سعدیہ یوسف، ناہیدہ بی بی، سیدہ بتول فاطمہ نقوی، قانیتہ جلیل، ارم جاوید اورجویریہ روف شامل ہیں۔