انقرہ ( نیوز ایجنسیاں ) ترکی میں جنس کی تبدیلی کے حامی اور انسانی حقوق کے سرگرم سینکڑوں کارکنوں نے وزیراعظم رجب طیب اردگان کی حکومت کیخلاف دارالحکومت انقرہ میں سالانہ مارچ کیا۔ ہزار کے لگ بھگ مظاہرین گزشتہ دنوں کے احتجاجی مظاہروں کے مرکزی مقام تقسیم سکوائر پر جمع تھے۔ مظاہرین نے پلے کارڈز اٹھا رکھے تھے۔ انہوں نے نعرے بازی کی یہ ابھی ابتداءہے اور اس حوالے سے جدوجہد جاری رہے گی۔ یاد رہے کہ ترکی کے ہم جنس پرستوں نے اگلے ہفتے ایک سالانہ مظاہرے کا اعلان بھی کررکھا ہے۔