لاہور (سپورٹس رپورٹر) حکومت پاکستان کی وزارت اطلات و نشریات کی جانب سے وفاقی سیکرٹری اطلاعات کو کرکٹ کمنٹیٹر کلب آف پاکستان کا پیٹرن انچیف مقرر کر دیا ہے جس کا باقاعدہ نوٹیفیکشن بھی جاری کر دیا گیا ہے۔ سی سی سی پی کے سیکرٹری راجہ اسد علی نے میڈیا کو بتایا کہ حکومت پاکستان کی جانب سے ایک اچھا اقدام اٹھایا گیا ہے جس کے مستقبل میں اچھے نتائج بھی حاصل ہونگے۔ ان کا کہنا تھا کہ حکومتی سرپرستی ملنے کے بعد اب پاکستان براڈ کاسٹنگ اور پاکستان ٹیلی ویژن کو اچھے کمنٹیٹر ملیں گے۔ ان کا کہنا تھا کہ ملک کے مشہور کمنٹیٹر جن میں عمر قریشی، جمشید مارکر، افتخار احمد، منیر حسین، چشتی مجاہد، محمد ادریس و دیگر نے وفاقی سیکرٹری اطلاعات کے کرکٹ کمنٹیٹر کلب آف پاکستان کا پیٹرن انچیف مقرر ہونے پر خوشی کا اظہار کرتے ہوئے اسے کمنٹیٹرز کے روشن مستقبل کی نوید قرار دیا ہے۔