قومی ہاکی ٹیم جرمنی کیخلاف پریکٹس میچ آج کھیلے گی
لاہور (سپورٹس رپورٹر) ہاکی ورلڈ لیگ سیمی فائنل ٹورنامنٹ کی تیاریوں کے سلسلہ میں پاکستان ہاکی ٹیم پہلا پریکٹس میچ آج جرمنی کے خلاف کھیلے گی۔ ملائیشیا کے شہر جوہر بارو میں ہاکی ورلڈ لیگ سیمی فائنل ٹورنامنٹ 29 جون سے شروع ہوگا۔ پاکستان ہاکی ٹیم 24 جون کو جوہر بارو پہنچ گئی تھی۔ گذشتہ روز کھلاڑیوں نے پریکٹس سیشن میں حصہ لیا۔ ٹورنامنٹ کے قبل قومی ٹیم دو پریکٹس میچز میں حصہ لے گی جس میں ایک میچ جرمنی اور دوسرا ارجنٹینا کےخلاف کھیلا جائیگا۔
