لاہور (نیوز رپورٹر) ایم ٹی اے اور تحریک بحالی پی ایم اے کا ہنگامی اجلاس منعقد ہوا۔ اجلاس سے پروفیسر ڈاکٹر سمیع ممتاز (صدر)، ڈاکٹر احمد سلیم (جنر ل سیکرٹری)، پروفیسر ڈاکٹر ممتاز احمد، پروفیسر ڈاکٹر سبطین، پروفیسر ڈاکٹر اجمل، سرجن ڈاکٹر فروعہ نے شرکت کی۔ ایم ٹی اے پنجاب جنرل سیکرٹری ڈاکٹر تحسین نے اجلاس میں کہا کہ ڈاکٹروں نے گرمیوں کی چھٹیوں کی منسوخ یپر شدید ردعمل کا اظہار کیا ہے اور کہا ہے کہ پنجاب حکومت نے ڈاکٹروں کی گرمیوں کی چھٹیاں بلاوجہ منسوخ کی ہیں۔ اس وقت صوبے میں کسی قسم کی میڈیکل ایمرجنسی نہیں ہے، اس لئے چھٹیاں بحال کی جائیں۔