لاہور (خصوصی نامہ نگار) مرکزی جماعت اہل سنت کے ناظم اعلیٰ پیر سید عرفان مشہدی نے کہاکہ اسمبلیوں میں دین اسلام اورکی ترجمانی کی جائے مرکزی جماعت اہل سنت قرآن و سنت کی روشنی میں دہشتگردی ، فحاشی ، کرپشن اور فسادات کے خلاف اعلان جنگ کرتی ہے اور حکومت کیساتھ ملکر ان تمام معاملات کو درست کرنا چاہتی ہے ۔ ان خیالات کا اظہا رانہوں نے ارکان صوبائی اسمبلی سید محفوظ مشہدی ‘مناظر علی رانجھا ‘ نوابزہ حیدر مہدی ‘ مولانا غیاث الدین ‘ نذر حسین گوندل ‘ ملک احمد خان ، سید عبد العلیم بھچر شاہ شوکت گوندل اورشفقت محمود کے اعزاز میں ایک مقامی ہوٹل میں دئیے گئے عشائیہ کے موقع پر خطاب کرتے ہوئے کیا ۔ اس موقع پر مرکزی جماعت اہل سنت کے پیر سید امانت علی شاہ ‘صوبائی صدرسید ارشد حسین گردیزی ‘ ڈویژنل امیر علامہ فاروق قادری ‘ ناظم اعلیٰ لاہور سید طاہر حسن زیدی ‘ صاحبزادہ سید عبد اللہ ‘ سید عثمان شاہ ‘ شہزاد عرفانی ‘ یاسین مسعودی ‘ شمشاد عرفانی سمیت دیگر موجود تھے۔