بغداد (اے پی اے + آن لائن) عراق کے مختلف شہروں میں بم دھماکوں کے نتیجے میں 36 افراد ہلاک اور 75 سے زائد زخمی ہو گئے۔ غیر ملکی خبر ایجنسی کے مطابق بیشتر حملے فرقہ وارانہ تھے جن میں ہوٹلوں کو نشانہ بنایا گیا، دارالحکومت بغداد کے قریبی شہر بعقوبہ میں ایک ہوٹل کے قریب دھماکہ کیا گیا جس کے بعد جیسے ہی لوگ امدادی کارروئیوں کے لئے جائے وقوعہ پر پہنچے تو ایک اور دھماکہ ہو گیا جس کے نتیجے میں 12 افراد ہلاک اور 35 زخمی ہو گئے۔ ادھامیا میں ایک ہوٹل کے قریب دھماکے میں 4 افراد ہلاک اور 14 زخمی ہو گئے، بعض زخمیوں کی حالت تشویشناک بتائی گئی ہے۔ جنوبی ضلع جبیلا میں دھماکے کے نتیجے میں 3 افراد زخمی ہوئے، دیگر شہروں میں مختلف بم دھماکوں میں ایک شخص ہلاک اور 9 زخمی ہوئے۔ واضح رہے کہ مئی میں پرتشدد واقعات کے دوران ایک ہزار سے زئد افراد جاںبحق ہوئے۔
عراق ھماکے