اسلام آباد (اے پی پی) صدر مملکت آصف علی زرداری نے جنوبی افریقہ کے سابق صدر اور معروف عالمی رہنما نیلسن منڈیلا کی جلد صحت یابی کیلئے دعا اور نیک تمناﺅں کا اظہار کیا ہے۔ صدر مملکت کی جانب سے جنوبی افریقہ کے اپنے ہم منصب جیکب زمہ کے نام لکھے گئے خط میں انہوں نے پاکستان کی حکومت، عوام اور اپنی طرف سے نیلسن منڈیلا کے لئے نیک خواہشات کا اظہار کیا ہے۔ صدر مملکت نے کہا کہ پوری پاکستانی قوم اس عالمی رہنما کی تیزی سے صحت یابی کیلئے دعا گو ہے۔