پونے (اے پی پی) 27 ویں ایشین ایتھلیٹکس چیمپئن شپ 3 جولائی سے بھارت میں شروع ہو گی۔ 7 جولائی تک جاری رہنے والے ایونٹ میں مختلف ایشیائی ممالک سے ریکارڈ ایتھلیٹس کی شرکت متوقع ہے۔ بھارت کو 1989ءکے بعد دوسری بار میگا ایونٹ کی میزبانی کا اعزاز حاصل ہوا ہے جس میں ایشین ایتھلیٹکس ایسوسی ایشن کے 45 رکن ممالک میں سے 43 ممالک سے 580 ایتھلیٹس کی شرکت متوقع ہے۔ ایونٹ میں ایتھلیٹس مختلف کیٹگریز کے مقابلوں میں ایکشن میں دکھائی دیں گے۔ آرگنائزرز کا کہنا ہے کہ میگا ایونٹ کے کامیاب انعقاد کو یقینی بنانے کےلئے تمام تر انتظامات کو حتمی شکل دے دی گئی ۔