قصور (نامہ نگار) قصور کے نواحی گاﺅں لاکھو بریار میں شادی کی تقریب میں دو گروپوں کے درمیان اندھا دھند فائرنگ کے نتیجے میں دو افراد ہلاک جبکہ ایک شدید زخمی ہو گیا۔ موضع لاکھو بریار میں اقبال کی شادی تھی جس میں دیگر مہمانوں کے ساتھ ساتھ نذیر عرف جیرا سائیں اور خضر حیات وغیرہ بھی مدعو تھے۔ جن کی آپس میں دشمنی چلی آرہی تھی۔ عینی شاہدین کے مطابق دونوں نے شراب پی رکھی تھی۔ اس دوران دونوں میں تو تکرار ہو گئی۔ پہلے فائرنگ کر کے جیرا سائیں اور اس کے ساتھیوں نے فائرنگ کر کے خضر حیات عرف خضری کو ہلاک کر دیا اس کے بعد خضر حیات کے ساتھیوں نے فائرنگ کر کے جیرا سائیں کو قتل اور خالد ڈوگر کو شدید زخمی کر دیا تاہم پولیس مصروف تفتیش ہے۔