حیدر آباد( این این آئی+بی بی سی )بھارت کے شہر حیدرآباد میں ہوٹل کی عمارت گرنے سے 13 افراد ہلاک ہو گئے جبکہ ملبے تلے دبے افراد کے لیے امدادی کارروائیاں جار ی ہیں۔ میڈیا رپورٹس کے مطابق حیدرآباد کے علاقے سکندرآباد میں ہوٹل کی دو منزلہ عمارت مقامی وقت کے مطابق صبح ساڑھے 6 بجے گرگئی۔امدادی کارکنوں نے ملبے سے11زخمیوں کو نکال کر ہسپتال منتقل کردیا ہے۔واقعے میں 13افراد کی ہلاکت کی اطلعات ہیں ۔ریسکیو اہلکار کرین کی مدد سے ملبہ ہٹانے کی کوشش میں لگے ہیں ، بی بی سی کے مطابق تقریباً 20 افراد کو ملبے سے نکال لیا گیا۔ پولیس کے مطابق عمارت پرانی ہونے کی وجہ سے حادثہ پیش آیا۔