گوجرانوالہ (نمائندہ خصوصی) تھانہ باغبانپورہ کے علاقے نوشہرہ روڈ پر واقع سلفی چوک میں پانی کے چھینٹے اڑانے والے موٹر سائیکل رکشہ کے ڈرائیور کو فائرنگ سے ہلاک کردیا گیا۔ بتایا گیا ہے سلفی چوک میں بارش کا پانی بھرا ہوا تھا جس میں سے رکشہ ڈرائیور 25 سالہ رضوان نے رکشہ گزارنے کی کوشش کی تو پانی کے چھینٹے اڑ کر قریب سے گزرتے عثمان اور رضوان موٹر سائیکل سواروں پر پڑے اسی رنجش پر موٹر سائیکل سواروں نے فائرنگ کرکے رکشہ ڈرائیور رضوان کو موقع پر ہلاک کردیا۔ مقتول کا ایک برس قبل نکاح ہوا تھا جس کی نعش ہسپتال پہنچا کر پولیس نے تفتیش شروع کردی ہے۔