فیصل آباد (نمائندہ خصوصی)کمرشل پلازہ کارخانہ بازار میں آئل کی 20سے زائد دکانیں آگ کی لپیٹ میں آگئیں۔ 1122ریسکیو کے لگاتار 5گھنٹے آپریشن کے بعد آگ پر قابو پالیاگیا۔ کمرشل پلازہ کارخانہ بازار کی 20سے زائد دکانوں میں رات گئے آگ بھڑک اٹھی جس کے نتیجہ میں کروڑوں کاآئل جل کر تباہ ہوگیا تاہم کسی قسم کا جانی نقصان ہونے سے بچ گیا تاہم 1122 ریسکیو کی طرف سے کولنگ آپریشن تاحال جاری ہے۔ موقع پر موجود ریسکیو آفیسر طارق صدیق کا کہنا تھا ابھی آگ بھڑکنے کی وجہ کے بارے میں بتانا قبل ازوقت ہوگا اورآپریشن ختم ہونے کے بعد معاملہ کی انکوائری عمل میں لائی جائیگی۔