لاہور (سپورٹس رپورٹر) پاکستان کرکٹ ٹیم کے اوپننگ بلے باز عمران فرحت کراچی سے لاہور پہنچ گئے۔ لاہور پہنچنے کے بعد ان کا کہنا تھا کہ دورہ ویسٹ انڈیز کے لئے منتخب کی گئی ٹیم بہت متوازن ہے۔ ٹیم میں شامل کھلاڑی ہر شعبے میں کارکردگی دکھانے کی بھرپور صلاحیت رکھتے ہیں۔ کوئی کھلاڑی جان بوجھ کر خراب کارکردگی کا مظاہرہ نہیں کرتا، کھیل کے دوران اونچ نیچ ہو جاتی ہے۔ انہوں نے کہا میں مکمل فٹ ہوں اور جلد بہتر کارکردگی کا مظاہرہ کرتے ہوئے قومی ٹیم میں دوبارہ جگہ بنانے کی کوشش کرونگا۔