لندن (این این آئی) برطانیہ کے سٹار ایتھلیٹ ایڈم گیملی نے یورپین ایتھلیٹکس انڈر 23 چیمپئن شپ میں 100 میٹر دوڑ میں طلائی تمغہ جیت لیا۔ فن لینڈ میں منعقدہ چیمپئن شپ میں 100 میٹر دوڑ میں ایتھلیٹس کے درمیان زبردست مقابلہ ہوا برطانوی ایتھلیٹ ایڈم مکمل طور پر حریف ایتھلیٹس پر چھائے رہے، انہوں نے برق رفتاری کا مظاہرہ کرتے ہوئے مقررہ فاصلہ 10.20 سیکنڈز میں طے کر طلائی تمغہ اپنے نام کیا۔ ان کے ہم وطن بریٹن ڈیجی 9 سیکنڈز کے فرق سے چاندی کا تمغہ حاصل کرنے میں کامیاب رہے ¾ ہالینڈ کے ہینسلے نے کانسی کا تمغہ حاصل کیا۔ ایڈم نے اس موقع پر اپنے بیان میں کہا کہ یورپین چیمپئن شپ میں طلائی تمغہ جیتنے کی خوشی کو الفاظ میں بیاں نہیں کر سکتا۔