لاہور (این این آئی) لالی ووڈ سٹار میرا کی والدہ شفقت زہرہ نے لندن روانگی سے قبل گفتگو کرتے ہوئے کہا کہ وزیراعظم نوازشریف اور وزیر اعلیٰ پنجاب محمد شہباز شریف ملک کو سنگین بحرانوں سے نکالنے کی صلاحیت رکھتے ہیں اور وہ دن دور نہیں جب نوازشریف کی قیادت میں توانائی کے بحران پر قابو پالیا جائےگا۔ انہوں نے کہا کہ میں عیدالفطر کے بعد اعلیٰ قیادت سے ملاقات کے بعد مسلم لیگ (ن) میں باقاعدہ شمولیت اختیار کرلوں گی۔ یاد رہے کہ میرا کی والدہ نے پاکستان جسٹس پارٹی کی ٹکٹ پر ہارون آباد سے انتخابات میں حصہ لیا تھا تاہم انہیں کامیابی نہیں مل سکی تھی۔