اسلام آباد (آئی اےن پی) وزیراعظم کے قومی سلامتی اور خارجہ امور کے مشیر سرتاج عزیز کے آئندہ صدر پاکستان بننے کی اطلاعات پر سوشل میڈیا فیس بک پر ان کی پوتی شرمین عزیز کو سہیلیوں کی طرف سے مبارک باد کے پیغامات کا سلسلہ جاری جبکہ سرتاج عزیز کے بیٹوں کو بھی والد کے صدر بننے کی اطلاعات پر دوستوں سے مبارکبادیں مل رہی ہیں۔ تفصیلات کے مطابق الیکشن کمیشن کی طرف سے صدارتی الیکشن کا شیڈول جاری ہونے کے بعد میڈیا میں سرتاج عزیز کو نئے صدر کے لئے فیورٹ قرار دیئے جانے کے بعد سوشل میڈیا میں بھی وہ فیورٹ امیدوار بن گئے ہیں اور ان کی پوتی شرمین عزیز نے فیس بک پر اپنے اکاﺅنٹ میں سہیلیوں کو اس بات کی تصدیق کی ہے کہ سرتاج عزیز نئے صدر بن رہے ہیں جس پر انہیں مبارکباد بھی دی گئی ہے جبکہ سرتاج عزیز کے بیٹوں کو بھی ان کے دوستوں نے مبارکباد کے پیغامات دیئے ہیں۔