اسلام آباد (آئی این پی ) دبئی سے اسلام آباد آنے والی نجی ایئرلائن کی پرواز مسافروں کا سارا سامان دبئی میں چھوڑآئی۔ برطانوی نیوزویب سائیٹ کی رپورٹ کے مطابق اسلام آباد کے بےنظیر انٹرنیشنل ایئر پورٹ پہنچنے والی نجی ایئرلائن کی پرواز مسافروں کا سارا سامان دبئی میں ہی چھوڑآئی۔ ایئرپورٹ ذرائع نے کہاہے کہ ایک نجی ایئرلائن کی پرواز NL-552 دبئی سے بے نظیرانٹرنیشنل ایئرپورٹ پہنچی۔مسافر طیارے سے اتر کرجب اپنا سامان لینے پہنچے تو پتہ چلا کہ اس پرواز کاساراسامان دبئی میں ہی رہ گیاہے۔سامان کے دبئی میں رہ جانے پر مسافروں نے شدید احتجاج کیااورایئرلائن انتظامیہ کیخلاف نعرے بازی کی۔ایئرلائن انتظامیہ کے مطابق مسافروں کا ساراسامان باحفاظت اگلی دستیاب فلائٹ سے اسلام آباد پہنچادیاجائےگا۔