سمبڑیال(نامہ نگار) سیالکوٹ انٹرنیشنل ایئر پورٹ پر سیالکوٹ سے شارجہ جانے والے مسافر سے دوران تلاشی شیمپو کی بوتلوں میں چھپائی گئی ہیروئن برآمد کر کے ایئر پورٹ سیکورٹی فورس نے ملزم کو اینٹی نارکوٹکس کے حوالے کردیا ۔تفصیلات کے مطابق ایئر پورٹ سیکورٹی فورس نے سیالکوٹ انٹر نیشنل ایئر پورٹ سے شارجہ جانے والے مسافر مصطفےٰ ولد نور محمد چک نمبر 21ملکووال سے تلاشی کے دوران کروڑوں روپے مالیت کی 1 کلو گرام کے قریب ہیروئن جو کہ شیمپو کی بوتلوں میں چھپائی گئی تھی برآمد کر کے ملزم کو اینٹی نارکوٹکس فورس کے حوالے کر دیا۔