لاہور (آئی این پی) وفاقی وزیر ریلوے خواجہ سعد رفیق نے گزشتہ روز افطار پارٹی سے خطاب کرتے ہوئے کہا کہ ریلوے میں کرپشن کو جڑ سے اُکھاڑ پھینکیں گے ‘ عید پر سپیشل ٹرینیں چلائی جائیں گی اور ریلوے میں ای ٹکٹیں سسٹم بھی متعارف کروایا جا رہا ہے‘ تمام تقرریاں اور بھرتیاں میرٹ پر ہونگی ‘ (ن) لیگ ملک کو بجلی کے بحران سمیت تمام مسائل سے نجات دلائے گی ‘ کرپشن کرنے والوں کا احتساب ضرور ہو گا‘ ریلوے مکمل طور پر کھوکھلا ہو چکا ہے اسے تنزلی سے نکال کر ترقی کی راہ پر ڈالنے کےلئے مرحلہ وار شارٹ ٹرم اور لانگ ٹرم منصوبہ بندی کی ہے۔ انہوں نے کہا کہ (ن) لیگ نے قوم کے ساتھ جو بھی وعدے کئے ہیں ان پر ہر صورت عمل کیا جائے گا۔