ہاکی فیڈریشن نے سابق انٹرنیشنل کھلاڑی غضنفر علی کی بطور ٹرینر اور غذائی ماہر خدمات حاصل کر لیں
لاہور (سپورٹس رپورٹر) پاکستان ہاکی فیڈریشن نے قومی ٹیم کے کھلاڑیوں کے انجری مسائل کو حل کرنے کے لئے سابق انٹرنیشنل ہاکی کھلاڑی غضنفر علی کی بطور ٹرینر اور غذائی ماہر خدمات حاصل کر لیں۔ ہاکی ورلڈ لیگ میں پاکستان ہاکی فیڈریشن نے عدنان ذاکر کی خدمات حاصل کی تھیں۔ پاکستان ہاکی فیڈریشن کی جانب سے ٹرینر کی غیرموجودگی میں کوئی متبادل انتظام نہیں کیا گیا جبکہ ٹیم کے ہیڈ کوچ اختر رسول کا کہنا ہے کہ ٹرینر 24 جولائی کو انگلینڈ سے آ کر کیمپ جوائن کریں گے۔
