کراچی (سٹاف رپورٹر) پنجاب کے وزیراعلیٰ شہباز شریف ہفتے کو کراچی آکر سیاسی جماعتوں اور سیاست دانوں سے مشاورت کریں گے اور مسلم لیگ کے امیدوار ممنون حسین کے لئے ووٹ حاصل کرنے کے لئے رابطے کریں گے۔ کراچی میں قیام کے دوران وہ ہم خیال سیاسی جماعتوں سے ملیں گے اور توقع ہے کہ افطار کنگری ہاﺅس میں فنکشنل مسلم لیگ کے سربراہ پیر پگارا کے ساتھ کریں گے۔ اس دوران ان کی گورنر سندھ ڈاکٹر عشر ت العباد سے بھی ملاقات متوقع ہے۔ ذرائع کے مطابق شہباز شریف مسلم لیگ(ن) کے ناراض رہنماﺅں کے تحفظات بھی دور کریں گے۔