راولپنڈی+ پشاور (نوائے وقت رپورٹ) راولپنڈی میں مسجد کے باہر نامعلوم افراد کی فائرنگ سے ڈیوٹی پر مامور پولیس کانسٹیبل جاں بحق جبکہ حملہ آور فرار ہو گئے۔ دریں اثناءکوہاٹ روڈ پر سیفن چوکی کے قریب پولیس موبائل پر فائرنگ سے 3 اہلکار زخمی ہو گئے۔ پولیس کے مطابق اہلکار معمول کے گشت پر تھے کہ نامعلوم افراد نے فائرنگ کر دی۔ زخمی اہلکار لیڈی ریڈنگ ہسپتال میں منتقل کر دیئے گئے۔ ایک کی حالت نازک بتائی گئی ہے۔