لاہور (سپورٹس رپورٹر) پاکستان ایروبک فیڈریشن کے انتخابات میں ڈاکٹر آفتاب احمد بٹ کو صدر جبکہ عمران علی بٹ کو اگلے چار سال کے لئے سیکرٹری جنرل منتخب کر لیا گیا ہے۔ پاکستان ایروبک فیڈریشن کے جنرل کونسل اجلاس میں اس بات کا بھی عہد کیا گیا کہ پاکستان میں ایروبک کی ترقی و ترویج کے لئے اپنی بھرپور کوشش کرینگے۔ اس موقع پر نو منتخب فیڈریشن کے سرپرست اعلیٰ غلام محی الدین نے تمام عہدیداران کو اپنے بھرپور تعاون کا یقین دلایا۔