ڈبلن (این این آئی) آئی سی سی ویمنز ورلڈ ٹی 20 کوالیفائرز (آج) ہفتہ کو چار میچ ڈبلن میں کھیلے جائینگے، آئی سی سی ویمنز ورلڈ ٹی 20 کوالیفائرز کے گروپ اے کا پہلا میچ میں پاکستان کا مقابلہ ہالینڈ، گروپ اے کے دوسرے میچ میں تھائی لینڈ کا مقابلہ زمبابوے سے ہوگا جبکہ گروپ بی کے پہلے میچ میں آئرلینڈ اور سری لنکا کی ٹیمیں آمنے سامنے ہونگی اور دوسرے میچ میں کینیڈا اور جاپان کی ٹیمیں پنجہ آزما ہونگی۔31 جولائی تک جاری رہنے والے ٹورنامنٹ میں 8 ٹیمیں حصہ لے رہی ہیں جنکو دو گروپوں میں تقسیم کیا گیا ہے۔ آئی سی سی کے مطابق ٹورنامنٹ کی فاتح، رنر اپ اور تیسری پوزیشن حاصل کرنے والی ٹیم آئندہ سال بنگلہ دیش میں ہونے والے ویمنز ٹی 20 ورلڈ کپ کےلئے کوالیفائی کرے گی۔ میگا ایونٹ 16 مارچ سے 6 اپریل تک کھیلا جائے گا جس میں دس ٹیمیں شرکت کریں گی۔آسٹریلیا، انگلینڈ، بھارت، جنوبی افریقہ، ویسٹ انڈیز، نیوزی لینڈ اور میزبان بنگلہ دیش پہلے ہی ایونٹ کےلئے کوالیفائی کر چکی ہیں۔