پاکستان کرکٹ ٹیم کے 10 کھلاڑی ویسٹ انڈیز سے آج واپس پہنچیں گے
لاہور (سپورٹس رپورٹر) ویسٹ انڈیز کا کامیاب دورہ کرنے والی پاکستان کرکٹ ٹیم کے 10 کھلاڑی آج رات وطن واپس پہنچیں گے۔ تین کھلاڑی کراچی جبکہ 7 لاہور آئیں گے۔ لاہور آنے والے کھلاڑیوں میں محمد عرفان، سعید اجمل، حارث سہیل، ناصر جمشید، ذوالفقار بابر اور ناصر جمشید جبکہ کراچی آنے والے کھلاڑیوں میں حماد اعظم ، شاہد آفریدی اور عمر امین شامل ہیں۔ پاکستان ٹیم مینجمنٹ کے ارکان بھی لاہور آئیں گے۔ پاکستان ٹیم کے چار کھلاڑی جن میں کپتان مصباح الحق، محمد حفیظ، عمر اکمل اور احمد شہزاد کریبین لیگ کھیلنے کے لئے ویسٹ انڈیز میں ہی رک گئے ہیں جو کریبین لیگ کھیلنے کے بعد وطن واپس پہنچیں گے۔ سابق کپتان شعیب ملک کریبین لیگ میں شرکت کے لئے پہلے ہی ویسٹ انڈیز میں موجود ہیں۔
