عالمی بیڈمنٹن چیمپئن شپ5 اگست سے چین میں شروع ہو گی
گوانگ ژو (این این آئی) ورلڈ بیڈمنٹن فیڈریشن کے زیراہتمام منعقد ہونے والی عالمی بیڈمنٹن چیمپئن شپ5 سے 11 اگست تک کھیلی جائے گی۔ میزبانی چین کا شہر گوانگ ژو کرے گا۔ میگا ایونٹ کیلئے مینز اینڈ ویمنز سنگلز، مینز اینڈ ویمنز ڈبلز اور مکسڈ ڈبلز ڈراز کا اعلان کر دیا گیا۔ بھارت کی بیڈمنٹن سٹار ثانیہ نہوال کو آسان گروپ میں رکھا گیا ہے، پہلے را¶نڈ میں انہیں بائی مل گئی ہے اور کوارٹرفائنل تک انہیں زیادہ مزاحمت کا سامنا نہیں کرنا پڑے گا۔ اگر وہ کوارٹر فائنل مرحلہ عبور کر لیتی ہیں تو پھر سیمی فائنل میں ان کا پہلا امتحان ہو سکتا ہے۔ مینز سنگلز میں ملائیشیا کے سیڈ نمبر ایک لی چانگ وائی کو، اسکاٹ ایونز، میشا اور ڈیون کے ساتھ رکھا گیا ہے۔
