طرابلس (اے پی پی) لیبیا کے شہر بن غازی میں عدالت کے باہر 2 زبردست دھماکے ہوئے جن کے نتیجہ میں 13 افراد زخمی ہو گئے۔ بن غازی میں سکیورٹی کے ترجمان محمد حجازی نے بتایا کہ بم دو سوٹ کیس میں رکھے گئے تھے اور دھماکے اس وقت ہوئے جب لوگ روزہ افطار کرنے کیلئے اکٹھے ہوئے تھے۔ دھماکوں کے نتیجہ میں 13 افراد زخمی ہو گئے اور قریبی عمارتوں کو بھی نقصان پہنچا۔ واضح رہے کہ گذشتہ ہفتہ کے دوران بن غازی کی جیل سے 1300 قیدی بھی فرار ہوئے تھے۔