لندن+کوئٹہ (نیٹ نیوز) بلوچستان کے شہر پشین میں موٹرسائیکل سواروں نے پولیو ویکسین پلانے والی ٹیم پر فائرنگ کر دی جس سے ٹیم کی حفاظت پر مامور پولیس اہلکار جاں بحق ہوگیا۔ بی بی سی کے مطابق پشین کے علاقے کلی تراٹہ میں ایک گھر کے دروازے کے سامنے محکمہ صحت کی ٹیم پولیو ویکسین کے قطرے بچوں کو پلانے کیلئے تیاریاں کر رہی تھی کہ موٹرسائیکل سوار نامعلوم افراد نے ان پر گولیاں چلا دیں اور فرار ہوگئے۔ گولیاں لگنے سے پولیس اہلکار دم توڑ گیا جبکہ پولیو ٹیم محفوظ رہی اس حملے کے بعد پشین میں انسداد پولیو مہم بند کردی گئی۔