لاہور(اے پی اے ) عالمی تجارتی تنظیم میں پاکستان کے سابق نمائندے منظور احمد نے کہا ہے کہ پاک بھارت تجارت میں اضافے کے لئے منفی فہرست کا خاتمہ کیا جائے۔ ایک سیمینار سے خطاب میں انہوں نے کہا کہ پاکستان نے واہگہ بارڈر کے ذریعے بھارت سے صرف سو اشیا کی درآمد کی اجازت دے رکھی ہے، باہمی تجارت میں اضافے کے لئے پاکستان بھارت سے تمام اشیا کی درامد بلاروک ٹوک یقینی بنائے، اور تجارت کے لئے منفی فہرست کو ختم کرے، ان کا کہنا تھا کہ واہگہ بارڈر سے پاکستانی برآمدات کی مالیت 3 ارب روپے تک بڑھ گئی، جس میں مزید اضافہ کیا جا سکتا ہے۔