لاہور (پ ر) الخدمت ٹرسٹ کی ناظمہ صائمہ شبیر نے کہا ہے کہ رمضان المبارک ہم سے رخصت ہو رہا ہے۔ ہمیں باقی ماندہ دنوں میں اپنی بخشش کا سامان کر لینا چاہیے۔ شب قدر ہمیں اپنے تمام گناہ بخشوانے کا موقع فراہم کرتی ہے۔ ان خیالات کا اظہار انہوں نے مستحق بچیوں میں جہیز بکس تقسیم کرنے کی تقریب کے موقع پر گفتگو کرتے ہوئے کیا۔ صائمہ شبیر نے کہا کہ غریب اور مستحق بچیوں کے ہاتھ پیلے کرنے میں معاونت کرکے ہم ان کے والدین کیلئے اس عظیم فریضہ کی ادائیگی میں آسانی پیدا کر سکتے ہیں۔ انہوں نے کہا کہ ماہ رمضان اب اپنے اختتام کی جانب بڑھ رہا ہے‘ لیکن جیسے جیسے وقت گزر رہا ہے‘ اس کی قدر منزل میں اضافہ ہو رہا ہے اور ہمیں اپنی کوتاہیوں اور گناہوں کے ازالہ و معافی کا موقع فراہم کر رہا ہے۔ انہوں نے بتایا کہ الخدمت ٹرسٹ کے زیراہتمام صرف لاہور میں 1500 خاندانوں کو راشن فراہم کیا گیا ہے۔