کراچی (نوائے وقت رپورٹ) کراچی میں بارش کا پانی نومنتخب صدر ممنون حسین کے گھر میں بھی داخل ہوگیا۔ نجی ٹی وی کے مطابق شہر قائد میں ہونے والی بارش سے دیگر علاقوں کی طرح ڈی ایچ اے کی گلیاں بھی تالاب کا منظر پیش کرنے لگیں۔ ڈی ایچ اے سٹریٹ 28 میں واقع ممنون حسین ہاﺅس میں بارش کا پانی داخل ہوگیا۔ ممنون حسین خود تو اسلام آباد میں ہیں تاہم ان کے اہل خانہ کو گھر میں بارش کا پانی داخل ہونے سے مشکلات کا سامنا ہے۔ مین گیٹ سے باہر جانے میں مشکل پیش آئی۔گھریلو ملازم کا کہنا ہے ڈی ایچ اے یا کسی اور متعلقہ ادارے نے پانی کو ہٹانے کا کوئی انتظام نہیں کیا۔
ممنون حسین / پانی