لاہور (کامرس رپورٹر) لاہور سینئر ڈسٹرکٹ لیگ کے لئے ویسٹ زون کے ٹرائلز کو ملتوی کرتے ہوئے انتظامیہ نے پریکٹس میچز کرانے کا فیصلہ کرلیا۔ 22 اگست سے شروع ہونے والی سینئر ڈسٹرکٹ لیگ کے لئے ویسٹ زون کے ٹرائلز کا آغاز یکم اگست کو باغ جناح میں کیا گیا تھا لیکن 2 اگست کو ہونے والی بارش کے بعد ان ٹرائلز کو ملتوی کردیا گیا۔ چیف سلیکٹر شعیب ڈار کے مطابق ویسٹ زون کی مینجمنٹ نے فیصلہ کیا ہے کہ اوپن ٹرائلز کا سلسلہ مزید نہیں چلایا جائے گا اور اب اچھے کھلاڑیوں پر مشتمل ٹیمیں بنا کر پریکٹس میچز کرائے جائیں گے۔ پریکٹس میچز کے بعد15 اگست تک دو ٹیموں کے40 کھلاڑیوں کے نام پاکستان کرکٹ بورڈ کو دے دئیے جائیں گے۔