فیروز والا (نامہ نگار) ڈی ایس پی سرکل فیروز والا احسان الٰہی کھوکھر نے کہاکہ 27ویں رمضان المبارک اور عیدالفطر کے لئے سکیورٹی پلان تیار کر لیا گیا۔ سرکل کو تین سیکٹروں میں تقسیم کرکے اہلکاروں کی چھٹیاں بند کر دی گئیں۔ عید کے اجتماعات کے لئے سپیشل پولیس دستے ڈیوٹی دیں گے۔ انہوں نے کہا ہے کہ تحصیل فیروز والا بھر میں پولیس اربن ایریا میں دن رات گشت کرے گی۔ ڈی ایس پی احسان الٰہی کھوکھر نے مارکیٹوں کے مالکان اور تنظیموں کے صدور سے کہا کہ وہ اپنے سپیشل گارڈ کی نفری میں بھی اضافہ کرے تاکہ پولیس اہلکاران کی مدد کر سکے۔ انہوں نے تمام تھانوں کے ایس ایچ اوز کو کہاکہ وہ اپنے اپنے علاقے میں گشت خود کر لیا اور سکیورٹی احکامات جائزہ بھی لیں۔