ڈرٹی گرل معاہدہ، فلمساز اور ملتان کی سینما انتظامیہ میں اختلافات
لاہور (کلچرل رپورٹر) فلمساز قیصر ثناءاللہ خان نے کہا کہ پاکستانی فلم ڈرٹی گرل کا معاہدہ ڈان سینما ملتان کی انتظامیہ سے طے پایا تھا، سینما میں پچھلے تین ہفتے سے پبلسٹی بھی لگی تھی مگر گذشتہ روز سینما انتظامیہ نے ڈرٹی گرل کی پبلسٹی اتار کر چنائی ایکسپریس کی پبلسٹی لگا دی ہے۔ ڈرٹی گرل کے فلمساز قیصر ثناءاللہ نے سینما انتظامیہ کے خلاف فلم ڈسٹری بیوٹرز ایسوسی ایشن کے آفس میں تحریری شکایت جمع کرا دی ہے جس پر چیئرمین فلم ڈسٹری بیوٹرز ایسوسی ایشن اعجاز کامران نے فریقین کو اپنے آفس میں آج طلب کیا۔
