مکرمی! حویلی لکھا ضلع اوکاڑہ اور اس کے گردونواح میں صبح 5 بجے سے شام کے 5 بجے تک بجلی ایک گھنٹہ آتی ہے اور دو گھنٹے بند رہتی ہے۔ اس طرح دن کے بارہ گھنٹوں میں 8 گھنٹے لوڈشیڈنگ ہو رہی ہے۔ حویلی لکھا کے اردگرد شہروں اور قصبات مثلاً دیپال پور‘ احمد آباد‘ اوکاڑہ اور ساہیوال میں بہت کم عرصہ کیلئے لوڈشیڈنگ ہو رہی ہے۔ ان شہروں میں کسی جگہ ایک گھنٹہ بجلی آتی ہے اور ایک گھنٹہ بجلی بند رہتی ہے کچھ شہروں میں تین گھنٹے آتی ہے اور ایک گھنٹہ کیلئے جاتی ہے۔ ہماری گزارش ہے کہ براہ کرم حویلی لکھا اور اس کے گردونواح کے عوام پر رحم کریں اور انہیں انصاف سے بجلی مہیا کریں اور وی آئی پی فیڈروں پر بھی چار گھنٹے لوڈشیڈنگ کی اجازت دی جائے۔(ڈاکٹر اقبال شمیم جنڈی محلہ حویلی لکھا (اوکاڑہ)