چترال(آن لائن)گلگت بلتستان میں گیشر برم ون چوٹی سر کرنے کی کوشش میں چیک ری پبلک کے کوہ پیما زڈینک ربی گر کر ہلاک ہو گئے۔زڈینک ربی اور ان کا ایک ساتھی گزشتہ کئی دنوں سے گیشربرم ون کو جنوب مغرب کی جانب سے ایک نئے راستے سے سر کرنا چاہتے تھے۔زڈینک پاکستان میں موجود آٹھ ہزار میٹر سے بلند چودہ چوٹیوں میں سے آٹھ سر کر چکے تھے جن میں نانگا پربت اور گشربرم ون اور ٹو بھی شامل ہیں ،یاد رہے کہ اس سے قبل گیشر برم ون پر سپین سے تعلق رکھنے والے چار کوہ پیما لاپتہ ہو گئے تھے۔اس سے قبل ایران سے تعلق رکھنے والے تین کوہ پیما بھی دو دن پہلے براڈ پیک نامی چوٹی سر کر کے واپسی کے راستے پر لاپتہ ہوئے،زڈینک کے ایک بچ جانے والے ساتھی نے الپائن کلب کے بیس کیمپ پہنچ کر ان کی ہلاکت کی اطلاع دی۔
کوہ پیما ہلاک