ڈیرہ بگٹی /جعفر آباد( این این آئی)ڈیرہ بگٹی میں بارودی سرنگ کے دھماکے سے قبائلی رہنمازارا خان جاں بحق جب کہ ان کا محافظ زخمی ہو گیا ۔بتایا گیا ہے کہ قبائلی رہنما زارا خان اپنے محافظ کےساتھ ڈیرہ بگٹی سے پٹوخ جا رہے تھے کہ ان کی گاڑی بارودی سرنگ سے ٹکرا گئی، دھماکے میں قبائلی رہنما زارا خان موقع پر جاں بحق جب کہ ان کامحافظ زخمی ہو گیا، دھماکے میں ان کی گاڑی کو بھی نقصان پہنچا ۔زخمی محافظ کو طبی امداد کے لئے ہسپتال منتقل کر دیا گیا جب کہ واقعے کے بعد سکیورٹی فورسز نے علاقے کو گھیرے میں لے لیا۔علاوہ ازیںجعفرآباد کے علاقے ڈیرہ مراد جمالی میں گاڑی بارودی سرنگ سے ٹکراگئی جس کے نتیجے میں ایک شخص جاں بحق اور تین زخمی ہوگئے۔پولیس کے مطابق جعفرآباد کا رہائشی خاندان جعفرآباد سے چھتر جارہا تھا۔ڈیرہ مرادجمالی میں ان کی پک اپ سڑک پر نصب بارودی سرنگ کی زد میں آگئی۔دھماکے سے ایک شخص ہلاک جبکہ ایک خاتون سمیت 3 افراد زخمی ہوگئے۔
ڈیرہ بگٹی