اسلام آباد(اے پی پی) تین رکنی قومی سنوکر ٹیم بنکاک میں ہونے والی سکس ریڈ عالمی سنوکر چیمپئن شپ میں شرکت کرے گی۔ پاکستان بلیئرڈ اینڈ سنوکر ایسوسی ایشن کے حکام کے مطابق سکس ریڈ  عالمی سنوکر چیمپئن شپ 2 سے7 ستمبر تک تھائی لینڈ کے دارالحکومت بنکاک میں منعقد ہوگی۔ ایونٹ میں شرکت کیلئے 2 کھلاڑی اور ایک آفیشل جائیں گے۔ کھلاڑیوں میں محمد آصف اور محمد ماجد جبکہ آفیشل میں جواد کریم بطور منیجر ٹیم کے ہمراہ ہونگے۔