بہاولپور (ثناء نیوز) کور کمانڈر بہاولپور لیفٹیننٹ جنرل زبیر محمود حیات نے عیدالفطر کے موقع پر صحرائے چولستان میں اگلے مورچوں کا دورہ کیا۔ دورے کے دوران انہوں نے جوانوں کو عید کی مبارکباد پیش کی اور ان میں تحائف اور مٹھائیاں تقسیم کیں اور ان کے بلند حوصلے کی تعریف کی۔ دورے کے دوران مختلف فارمیشنز کے جنرل کمانڈنگ آفیسرز بھی موجود تھے۔ اس سے پہلے کور کمانڈر بہاولپور لیفٹیننٹ جنرل زبیر محمود حیات نے بہاولپور گیریژن میں نماز عید ادا کی۔ نماز عید کے بعد ملک کی سالمیت کے لئے دعائیں مانگی گئیں۔ اس موقع پر آفیسرز، جے سی اوز اور جوانوں نے بھی شرکت کی۔
کور کمانڈر / دورہ