لاہور ( این این آئی) ” بھٹو شہید بینظیر ورکرز موومنٹ “ کی مرکزی کوارڈی نیٹر ناہید خان نے کہا ہے کارکن کسی طور پر بھی پیپلز پارٹی کی نام نہاد قیادت کے پیچھے چلنے کوتیار نہیں ،ہم نے اپنی تیاریاں مکمل کر لی ہیں جلد ہی پارٹی کو منظم کرنے کیلئے عملی تحریک شروع کرینگے۔ ان خیالات کا اظہار انہوں نے بدھ کے روز پنجاب کے کوارڈی نیٹر سردار حر بخاری سے ٹیلیفونک گفتگو کرتے ہوئے کیا۔ ناہید خان نے کہا کہ کچھ لوگوں کا خیال ہے کہ آصف علی زرداری کرسی صدارت سے الگ ہونے کے بعد پارٹی کی باگ ڈور سنبھال کر اسے عروج پر لیجائیں گے۔