اینٹیگوا (سپورٹس ڈیسک) پہلی کیریبیئن لیگ کے ایک میچ میں اینٹیگوا ہاکس بلز نے بارباڈوس ٹرائیڈنٹس کو 5 وکٹوں سے شکست دیدی۔ بارباڈوس ٹرائیڈنٹس کی ٹیم پہلے کھیلتے ہوئے مقررہ بیس اوورز میں 9 وکٹوں کے نقصان پر 97 رنز بنا سکی۔ ڈیون سمتھ 13، کارٹر 3، شعیب ملک 14، شکیب الحسن صفر، کپتان کیرن پولارڈ صفر، ریفر 30، عمر اکمل 15، نرس 5، ایمرٹ 2 رنز بنا کر آوٹ ہوئے۔ بشو 8 اور گیبرئیل ایک رنز بنا کر ناٹ آوٹ رہے۔ کوٹریل نے 4، کیماروئچ اور سیموئیلز نے دو، دو وکٹیں حاصل کیں۔ اینٹیگوا ہاکس بلز نے ہدف 5 وکٹوں کے نقصان پر پورا کر لیا۔