لاہور (سپورٹس رپورٹر) خلیفہ کالا پہلوان کی زیرنگرانی سالانہ دنگل مقابلے میاں شہباز شریف سٹیڈیم چائنہ سکیم میں 18 اگست بروز اتوار 4 بجے ہوں گے۔ دنگل کے مہمان خصوصی ملک پرویز ایم این اے، ایم پی اے غزالی سلیم بٹ اور چودھری شہباز ہونگے۔ چائنہ سکیم میں ہونے والے اس دنگل کا انعقاد ہر سال کیا جاتا ہے جس میں ملک کے نامی پہلوان حصہ لیتے ہیں۔ اس دنگل میں بڑی جوڑیں مالو پہلوان مقابلہ طاری پہلوان، چن منیر پہلوان مقابلہ عثمان پہلوان اور ماما پہلوان مقابلہ چھوٹا مالو پہلوان سے ہو گا ۔جبکہ دیگر 14مقابلوں میں شریک پہلوان مدمقابل کو چت کرنے کی کوشش کریں گے۔