میلبورن (اے پی پی) عظیم آسٹریلوی بلے باز سر ڈان بریڈ مین کا بیٹ 65 ہزار امریکی ڈالر میں فروخت ہو گیا۔ آسٹریلوی میڈیا کے مطابق آسٹریلین کمپنی نے جمعرات کے روز بیٹنگ لیجنڈ سر ڈان بریڈ مین کا بیٹ نیلامی کے لئے پیش کیا، اس بلے سے بریڈمین نے 1948 کے دورہ انگلینڈ سے قبل آخری فرسٹ کلاس میچ میں 115 رنز کی شاندار اننگز کھیلی تھی۔ اس تاریخی بیٹ کی نیلامی65 ہزار امریکی ڈالر میں ہوئی۔ یہ بیٹ گزشتہ 20 سال سے ویسٹرن آسٹریلیا کرکٹ ایسوسی ایشن کے میوزیم میں محفوظ تھا۔ سر ڈونلڈ جارج بریڈمین 2001 میں 92 سال کی عمر میں انتقال کر گئے تھے۔، انہوں نے 52 ٹیسٹ کی 80 اننگز میں 99.94 کی اوسط سے 6996 رنز سکور کئے، وہ آخری کیریئر کی آخری اننگز میں صفر پر آﺅٹ ہوگئے تھے۔