لاہور(سپورٹس رپورٹر) ایشیا ہاکی کپ کی تیاریوں کے سلسلہ میں جاری تربیتی کیمپ میں گزشتہ روز قومی ٹیم کے کھلاڑیوں نے بارش میں پریکٹس کی۔ نیشنل ہاکی سٹیڈیم میں جاری تربیتی کیمپ میں ٹیم کے کوچ طاہر زمان نے پنلٹی کارنر کے شعبہ میں خامیوں کو دور کرنے کیلئے تربیتی کیمپ میں کھلاڑیوں کو خصوصی ڈرلز کروائیں۔ اسطرح دوسرے سیشن میں کھلاڑیوں کو میچ پریکٹس کروائی گئی اور فاروڈ کھلاڑیوں کو مخالف گول پوسٹ پر حملہ کرنے کیلئے مختلف ڈرلز کروانے کے ساتھ ساتھ کوشش کی کہ کھلاڑیوں کو زیادہ سے زیادہ مصروف رکھا جائے۔ پاکستان ہاکی ٹیم ایشیا کپ میں شرکت کے لیے 19 اگست کی شام لاہور سے کوالالمپور روانہ ہوگی۔