لا ہور (خصوصی رپورٹر) سابق صدر جنرل ضیاءالحق اور سابق چیئرمین چیفس آف جوائنٹ سٹاف کمیٹی جنرل اختر عبدالرحمن سمیت دیگر کی برسی گزشتہ روز سادگی سے منائی گئی۔ مرحوم صدر ضیاءالحق کیلئے لاہور میں کیولری گراﺅنڈ میں ضیاءالحق فاﺅنڈیشن کے سیکرٹری جنرل چودھری ذوالفقار کی رہائشگاہ پر قرآن خوانی کی گئی جبکہ جنرل اختر عبدالرحمن کے صاحبزادوں کی رہائشگاہ سرور روڈ پر بھی قرآن خوانی کی گئی جس میں کثیر تعداد میں لوگوں نے شرکت کی۔ دعا چودھری ناصر محمود ایڈووکیٹ نے کروائی۔ دریں اثناءراولپنڈی کے آرمی قبرستان میں قرآن خوانی ہوئی جس میں ہمایوں اختر خان نے بھی شرکت کی۔ جنرل ضیاءالحق کے صاحبزادے اعجاز الحق کی رہائشگاہ راولپنڈی میں بھی قرآن خوانی کی گئی اور قومی سلامتی کی خصوصی دعا کی گئی۔