مری گلیات (نامہ نگار) مسافر وین راولپنڈی سے ماڑی ناڑ ستوڈہ جاتے ہوئے زیارت معصوم کے قریب کھائی میں جا گری‘ 4 عورتیں ایک مرد جاں بحق ہو گئے‘ حادثہ دن گیارہ بجے کے قریب پیش آیا۔ ڈرائیور تاج نامی نے لاپرواہی کا مظاہرہ کرتے ہوئے کنڈیکٹر کو گاڑی چلانے کے لئے دے دی جو کہ گاڑی کو قابو میں نہ رکھ سکا۔ ریسکیو 1122 کو پی ٹی آئی کی کے پی کے میں حکومت کے برسراقتدار آنے کے بعد مری سے جڑواں گلیات ایریا میں بھی امدادی کاموں کے لئے اجازت نہ ہونے سے حادثات واقعات کے دوران سخت مشکلات کا سامنا ہے۔ مریضوں زخمیوں کو بروقت شہر کے ہسپتال پہنچانے میں سخت دشواری کا سامنا کرنا پڑا۔ ایک عورت ہسپتال پہنچتے ہوئے زخموں کی تاب نہ لاتے ہوئے جاں بحق ہوئی۔ جاں بحق ہونے والوں میں خالدہ بی بی‘ عاقب بی بی‘ سلطان شامل ہیں جبکہ زخمیوں میں 3 عورتیں اور 4 مردوں کو ابتدائی طبی امداد پی ایچ یو زیارت معصوم سے دلواتے ہوئے ٹی ایچ کیو مری علاج معالجے کے لئے داخل کرا دیا۔
حادثہ