غزنی (اے پی پی) افغانستان کے مشرقی صوبہ غزنی میں سڑک کنارے نصب بم پھٹنے کے نتیجہ میں 2 پولیس اہلکار ہلاک اور 3 زخمی ہو گئے۔ ذرائع ابلاغ کے مطابق ضلعی انتظامیہ کے سربراہ محمد امین نے غیر ملکی خبر رساں ادارے کو بتایا کہ حادثہ جغتو ضلع کے علاقہ قیاک میں اس وقت پیش آیا جب افغان نیشنل پولیس کی گاڑی سڑک کنارے نصب دھماکہ خیز مواد سے ٹکرا گئی۔ دھماکہ کے نتیجہ میں افغان نیشنل پولیس کے 2 اہلکار ہلاک اور 3 زخمی ہو گئے۔ حادثہ میں گاڑی کو بھی نقصان پہنچا۔ انہوں نے حملہ کی ذمہ داری طالبان پر عائد کی ہے۔