اسلام آباد (اے پی پی) عالمی والی بال چیمپئن شپ کوالیفائنگ راﺅنڈ‘ چار ملکی والی بال ٹورنامنٹ اور ایشین والی بال چیمپئن شپ کی تیاری کےلئے قومی کھلاڑیوں کا تربیتی کیمپ رواں ماہ کے آخری ہفتے پاکستان سورٹس کمپلیکس، اسلام آباد میں شروع ہوگا۔ قومی والی بال ٹیم کے کوچ مظہر حسین نے بتایا کہ تربیتی کیمپ میں 18 کھلاڑیوں کو مدعو کیا گیا۔ انہوں نے کہا کہ کیمپ میں تمام سینئر کھلاڑی شامل ہیں جنہوں نے بین الاقوامی مقابلوں میں حصہ لیا۔ واضح رہے کہ عالمی والی بال چیمپئن شپ کا دوسرا کوالیفائنگ راﺅنڈ11 سے 13 ستمبر تک ایران‘ چار ملکی والی بال ٹورنامنٹ 19 سے 23 ستمبر تک قطر جبکہ ایشین والی بال چیمپئن شپ 26 ستمبر سے 3 اکتوبر تک دبئی میں ہوئی۔